Работилници за граѓанско учество и заштита на животната средина

Граѓаните се клучниот двигател на промените — а заштитата на животната средина започнува токму со информирано и активно учество.

Како граѓани, сите имаме право да бидеме вклучени кога се носат одлуки што директно влијаат врз нашето здравје, природата и квалитетот на живот. Токму затоа, Здружението за одржлив развој Милиеуконтакт Македонија (МКМ), во партнерство со Македонското здружение на млади правници (МЗМП), Центарот за правни истражувања и анализи (ЦПИА) и ФЛОРОЗОН – Центар за еколошка демократија, го спроведува проектот „Зајакнато граѓанско учество во заштита на животната средина“, поддржан од Expertise France.

Во рамки на проектот, МКМ и МЗМП ќе организираат серија работилници за зајакнување на локалните заедници, наменети за граѓани, младински организации, граѓански здруженија и сите заинтересирани кои сакаат подобро да се информираат и активно да придонесат кон решавање на еколошките предизвици во својата средина.

Преку интерактивни дискусии и практични примери, учесниците ќе имаат можност да научат:

• како да учествуваат во јавни расправи и консултации,
• кои се нивните права во областа на животната средина,
• како да поднесуваат иницијативи, претставки и жалби,
• како локално да се организираат и делуваат за заштита на животната средина.

Работилниците ќе обработуваат реални ситуации поврзани со:

• постапки за проценка на влијанието врз животната средина,
• урбанистичко планирање,
• загадувачки инсталации,
• како и други актуелни еколошки проблеми со кои се соочуваат локалните заедници.

Планирани термини за одржување на работилниците:

• 4 јуни – Штип
Правен факултет (стар Ректорат)
https://maps.app.goo.gl/hidVHSLB2iRFBpC87

• 9 јуни – Велес
Хотел Гардениа
https://maps.app.goo.gl/T4WUJeqAAj3PnjUT7

• 18 јуни – Охрид

• 25 јуни – Струмица

Дополнителни информации за агендата, локацијата и точниот термин ќе бидат објавени наскоро.

Доколку сакате да учествувате, испратете:

• име и презиме,
• организација (доколку сте дел од организација),
• е-mail адреса,
• и назнака на која работилница сакате да присуствувате,

на: info(аt)mkm.mk

Патните трошоци за учесниците се покриени.

Проектот има за цел да ги охрабри и поддржи граѓаните поактивно да се вклучат во процесите на донесување одлуки поврзани со животната средина, како и подобро да ги користат правните механизми за заштита на своите права.